Informazioni sulla privacy

Strumenti Utente

Strumenti Sito


regolamento_ts

Questa è una vecchia versione del documento!


El regolamento del forum in triestin

version 2.2 del 14/02/2014
(sicome, Dio vardi un mal de note, el regolamento pol gaver valor legale, tegnì presente che, in sti casi, fa testo la version in italian)

Versioni per chi che no capisi el triestin

Se el nome dela lingua xe in color rosso, vol dir che la pagina no xe ancora pronta

Italiano: come za dito, la fa fede in caso de barufe

Triestin: xe questa pagina, xe inutile farghe click sora

English

Deutsch

Français

Presentazion e finalità de sto Forum

El Forum “A Trieste” el xe nato per parlar dela nostra cità, farla conosser, migliorar la conoscenza, per chi che la conosi za, e el xe per tuti, Triestini e non, che abita qua, via de qua, rivai de fora, e a quei che sta lontan ma ga Trieste sempre nel cuor.

El Forum xe tegnù in pie da un ciapo de persone che se dà de far e cura la manutenzion. Sugerimenti e proposte fati per iutar sarà sempre ben aceti, sia che i sia per far funzionar meio el forum sia per far meio sto regolamento.

Metemose d'acordo sule parole

In sto regolamento vien doprade alcune parole che adesso spieghemo meo cossa che le vol dir:

Cola parola utente iscritto se vol dir una persona fisica con una sua casella de posta elettronica, un nickname (soranome per ciamarla qua) e una password (parola segreta e che la sa solo che lu).

Cola parola moderator se intendi un utente iscritto che ga diritti de aministrazion, pol rivar in ogni momento a ogni post, el lo pol cambiar, blocar, scancelar, spostar. Le decisioni de un moderator pol vegnir controlade dal gruppo de tuti i moderatori che al caso decidi a magioranza. I moderatori pol, se i utenti ghe domanda o anche per ragioni de sicurezza, cambiar le password de altri utenti. No i pol inveze colegarse al forum fazendo finta de eser un altro utente, se quel no ghe ga dado volontariamente la propia password domandando aiuto.

Cola parola netiquette se intendi le regole che devi seguir un utente riguardo dei altri utenti e nel doprar el forum. Per una definizion più precisa, andè a la pagina de wikipedia sula netiquette.

Col termine flame se intendi un messaggio che vol zercar baruffa , spesso scritto soprattutto per far rabiar qualchedun altro.

Col termine post se intendi un intervento mandado al forum per farlo publicar. Se lo pol anche ciamar messaggio.

Col termine topic se intendi un gruppo de post con argomento comun, la sfilza dei post de un topic xe spesso ciamada thread.

Col termine de Off topic , speso scurtà in OT, se vol dir un messaggio che no ga gnente de far col argomento in question.

Col termine forum se vol indicar un gruppo de topic che riguarda robe più o meno sul stesso argomento. Però se scrivemo Forum cola F maiuscola, alora stemo parlando de tuto el insieme che se trova al indirizzo http://www.atrieste.eu/Forum3

Col termine sezion se vol dir un grupo de forum che ga una certa somiglianza de argomenti o de permessi per rivarghe per i utenti.

Col termine phpBB se intendi un software che xe disponibile sotto “general Public License” (de qua in avanti GPL) e che se pol scarigar liberamente. Per gaver altre informazioni andè a visitar el sito www.phpbb.com.

Cola parola cookie se intendi dele pice informazioni che phpBB salva sul computer de l'utente e che permetti de riconoscerlo co'l torna a visitar el forum o co'l passa de una pagina a un'altra.

Obblighi co se se iscrivi

Co se se iscrivi al Forum de atrieste.eu (de adeso in avanti “noi“, “nostro”, “aTrieste”, “a Trieste”) se accetta de esser ligai legalmente a queste condizioni. Se un no le accetta, alora xe meo che nol se iscrivi.

Le condizioni pol cambiar col tempo, e avertiremo i utenti che se cambia, ma meo controlar spesso ste pagine per veder se qualcossa xe cambiado, visto che l’iscrizion vol dir accettarle.

L’iscrizion al forum vol dir accettar automaticamente le sue regole. Le regole inveze sula proprietà inteletual naturalmente riguarda anche chi che vol doprar i contenuti del forum, anche se nol xe iscrito.

Regole per la bona convivenza

La bona creanza, anche come netiquette, doveria bastar per garantir un funzionamento tranquilo e regolar, ma meo meter le man avanti e precisar:

Xe considerai inacettabili, e quindi proibidi, messaggi con:

  • insulti, volgarità, offese sia a singole persone, utenti o no, sia a gruppi razziali, linguistici, politici o altro
  • in general tuti i messaggi che vadi contro le leggi o inviti a andar contro
  • apologie de regimi totalitari
  • espressioni e frasi scritte solo che per crear flame fra i utenti (insoma: far onde)
  • promozioni economiche, messaggi pornografici, pirateria informatica, mail non richieste (sta roba la scancelemo subito! E chi che le posta anche).

Se un moderator trova che un messaggio va contro ste norme, el pol cavarlo e meterlo in una zona riservata (quarantena). El gruppo dei moderatori pol, dopo, eventualmente rimeterlo dove che el iera, cancelarlo o cambiarlo in meio. El gruppo decidi anche, se ocori, de ciapar provvedimenti nei confronti de l'autor. De sta roba, de solito, se dà informazion in privato e/o pubblico.

In caso de vere violazioni de legge oviamente vegnerà fata denuncia.

No se accetta el crossposting, cioè scriver la stesa roba in parti diferenti del forum: i moderatori salverà el post dove che ghe par più giusto, scancellando i altri senza gnanca avertir. Se po' l'utente insisti, i lo poderà anche scancelar a lu.

I moderatori ga anche el diritto de spostar i messaggi OT nela parte del forum che ghe par più adatta, per aiutar a trovar più facilmente messaggi e informazioni. I poderà avertir, se ghe par ben, al autor, ma no xe obligatorio.

Privacy i utenti se impegna a no contar in giro dati come numeri de telefono, indirizzi email, foto de altri utenti senza'ver avù el permesso.

In caso de infrazion de ste regole, i moderatori se riserva de conzarghe, progressivamente e senza discussion, le seguenti sanzioni:

  1. amonizion privata (xe meo che te cambi..)
  2. amonizion pubblica
  3. sospension per un giorno (cussì i ghe pensa)
  4. sospension per una settimana
  5. butar fora del forum

No xe che i moderatori devi 'ndar drio de sta trafila proprio ala lettera e in casi particolarmente scorretti, i pol butar fora un anche subito.

Se pol inveze, in caso de sanzion, far “ricorso” scrivendoghe ai moderatori con messaggi privati o spiegar nel apposita sezion.

Se invita anche i altri utenti a segnalar al caso al aministrator e ai moderatori con messaggio privato se i vedi che qualcossa no va.

Se li invita anche e no reagir a eventuali provocazioni, a no crear flame e a no far ciacole private in pubblico.

De quando che se lo ga inviado, un post resta modificabile per chi che lo ga scritto per qualche minuto, el tempo per veder se ghe xe sbagli e corregger; ma el utente non moderator dopo no pol più cambiar i propri messaggi; per questo se racomanda de doprar sempre la funzion Anteprima (questo xe per evitar che qualchedun fazi un post, un altro fazi riferimento a sto post e dopo el primo cambi o scancelli la roba scrita per prima; vegneria fora confusioni e barufe).

Eventuali erori de battidura pol esser subito corretti dei moderatori o se ghe pol domandar che i coregi. Se se vol cambiar tochi importanti de un post, bisogna proprio domandarghe ai moderatori.

Se qualchedun no segui le regole, podemo anche informar de sta roba el fornitor internet del utente (provider) e/o le autorità legali. El indirizzo IP de tuti i utenti xe registratdo aposta per questo.

Norme per iscriverse

A ogni iscrizion devi corisponder una persona fisica, no val iscrizioni multiple anche se con caselle de posta diferenti: se scoperte, se scancella subito quel in più.

Cancelazion de un utente iscrito

Un utente pol vignir disnotà o per decision dei moderatori o perché lui lo ga domandà.

Come regola i interventi de un che domanda de eser tirà via o che vegni tirà via i resta sul forum con vizin el soranome original. El soranome de un che ga domandà de eser tirà via torna a disposizion de chi che volesi iscriverse con quel nome. Tanto se vedi dala diversa grafica con cui xe scrito el nome de'l autor che xe dò de lori diversi, perché i utenti disnotai xe scriti in maniera diferente.

Proprietà intellettual dele pubblicazioni

El material del forum (testi e foto) xe publicado dei utenti che resta propietari e responsabili. Ma el vien concesso in licenza Creative Commons con i attributi de “Attribution”, “Noncommercial” e “Share Alike”. xe anche accettade opere con la zonta de “No Derivative Works” ma se un vol sta clausola la devi specificar in ogni singolo caso.

In parole povere, questo vol dir che se pol copiar el material del forum pur de contar de dove che se lo ga ciolto e con che licenza el xe disponibile.

Come che se ga dito sora, la proprietà de quel che che xe publicà e la responsabilità de quel che se scrivi xe de'l utente. L'aministrazion se ciol el dirito de meter un timbro sule imagini che se trova fisicamente sule risorse del forum, giusto per certificar dove che le se trova. El timbro no vien meso sule foto che se trova de altre parti.

Per favor, ricordeve che la legge regola la publicazion dele foto che ritrai gente. I aministratori suponi che chi publica foto con gente dentro conosi la lege e la rispeta. Ogni responsabilità ghe va a chi che ga publicà l'imagine. I aministratori, se informai del mancato rispeto dele legi, tirerà via el material in question anche senza avisar chi che ga publicà la roba.

Condizioni per doprar el forum

I moderatori de sto forum farà el possibile per tegnir de ocio el forum e cavar via roba contestabile el più svelto possibile, ma xe impossibile controlar tuto subito. Quindi i lettori del Forum devi saver che tutti i messaggi esprimi el pensier de chi che scrivi e no quel dei aministratori, moderatori o webmaster (salvo se i scrivi proprio lori) e per questo no i xe responsabili de quel che scrivi i altri.

Sto forum dopra cookie per salvar informazion sul computer del utente. No i contien informazion i personali, ma i servi per doprar meio el forum.

La sola informazion personal obbligatoria, co se se iscrivi, xe el indirizzo de posta elettronica che servi al forum per comunicar coi utenti.

Aspetti tecnici

“a Trieste” dopra el sistema phpBB, che xe un software abastanza comun per i forum e lo gavemo scelto perché ne pareva che se se pol fidar de lu.

El forum xe salvado su un provider de servizi esterno che se occupa del suo colegamento

Dichiarazion de non responsabilità

El software phpBB servi per meter in pie un forum su internet, ma phpBB Group no xe responsabile de cossa che se scrivi e come che el forum el xe gestido.

I moderatori del forum se impegna a scancelar qualsiasi intervento che vegni segnalado come illegale appena che i se inacorzi. La responsabilità comunque resta de chi che ga scritto.

L’utente sa che i dati personali che el gaverà dado xe salvai in un database, gavemo fato el possibile per far che lo possi veder solo chi che ga el diritto. Ma tuti devi saver che su internet pol suceder che qualchedun rivi a ficar el naso dove che nol dovessi. El utente sa che pol nasser una roba del genere e che la responsabilità nol ghe la pol dar ai moderatori.

Collegamenti ad altre pagine

Questo sito Web utilizza i cookie. Utilizzando il sito Web, l'utente accetta la memorizzazione dei cookie sul proprio computer. Inoltre riconosci di aver letto e compreso la nostra Informativa sulla privacy. Se non sei d'accordo, lascia il sito.Maggiori informazioni sui cookie
regolamento_ts.1416203657.txt.gz · Ultima modifica: 09-03-2024 07:41 (modifica esterna)

Ad eccezione da dove è diversamente indicato, il contenuto di questo wiki è soggetto alla seguente licenza: CC Attribution-Noncommercial-Share Alike 4.0 International
CC Attribution-Noncommercial-Share Alike 4.0 International Donate Powered by PHP Valid HTML5 Valid CSS Driven by DokuWiki